5 Best Relationship Tips In Hindi

5 Best Relation Tips For Couple In Hindi


Shaadi ke baad couples relationship ke safar me kai manzil aati hai kabhi khushi ke pal hote hain toh kabhi gum se bhi saamna hota hai kabhi pyaar bhar din hote hain toh kabhi jhagda bhi ho jaata hai. Lekin mushkil tab hoti hai jab relation me kami aane lagti hai, husband wife ek dusre ki kami batane lagte hain galti batane lagte hain. Isliye aaj me specially couples ke liye best relationship tips de rahi hun jisse aap apne beech aane wale tanav ko kam sakte hain.

Jab ham couple relationship me ek dusre par sawal uthate hain toh doori or badh jaati hai kyonki bahas karte huey ham kuchh aisi baat keh jaate hain jisse partner ke dil ko chot pahunchti hai.



Best Relationship Tips Hindi Me


Baat bahut chhoti si hoti hai lekin jhagda bada ho jaata hai. Kyonki ham gusse me bolne se pehle sochte nahi hai jisse basic relationship tootne ke kagaar par aa jaati hai.

Isliye aaj ham is baat par hi baat karenge ki couples ki ladai me konsi baat hai jo hame nahi kehna chahiye.


Relationship tips in hindi


Good Relationship Tips In Hindi


Tips #1

Agar aapne apne partner se shaadi ki hai iska matlab aap zindagi bhar saath rehna chahte hain, isliye relationship ke beech me hone wale jhagde me kabhi bhi alag hone ki baat mat kijiye. Aap dono me se koi bhi ye baat gusse me keh sakta hai lekin is baat se hi aapke partner ko sabse jyada taqleef hoti hai.

Isliye aapke beech me kitna bhi jhagda ho jaaye lekin marriage relationship todne ki baat naa kare.

Tips #2

Ek or galti marriage partner ke beech me ye hoti hai ki woh har baar ek dusre ki galti batate hain, isliye aapke beech me jo bhi haalat ho uske liye ek dusre ko galat naa bataye. Har baar kisi ek life partner ki galti nahi ho sakti hai isliye cool mind se soche ki kahin is baar aap toh galat nahi hain.

Married Couples me jab bhi jhagda hota hai toh woh aapas me purani galtiyan nikalne lagte hain. Aap log pichhli galtiyon ke liye pehle hi ladai kar chuke hain fir ab kyon ladh rahe hain, ye toh sochiye. Agar aap har baar aisa karenge toh aapka rishta kamjor hota jayega.

Tips #3

Jab bhi aapke beech me jhagda ho toh pehle ek dusre ki baat sun ley ho sakta hai ki aapke beech me misunderstanding ho gayi ho or aap dono bewajah jhagda karke apna rishta kamzor kar rahe ho.

Ye dhyaan rakhe ki aap ek couple hain isliye ek dusre ke emotions ka dhyaan aap dono ko hi rakhna hai isliye aap dono ek dusre ki baat sune or galti hone par sorry kahe thats all.

Tips #4

Ek or badi galti jo ham karte hain ki hame hamesha apna partner pehle jaisa chahiye. Waqt ke saath har cheej badalti hai shaadi ke rishte me bhi aisa hi hota hai isliye changes ko accept karna bhi bahut jaruri hai.

Tum bahut badal gaye ho ya Tum pehle jaisi nahi rahi ye bolker ham ek dusre ko or pareshan hi karte hain. Jab aapne shaadi ki hai toh fir aapko rishto me aane wale badlao ke liye bhi apne aap ko tayaar karna hoga kyonki har din ek jaisa nahi hota.

Tips #5

Kya aapke beech aapke bachhe ki wajah se toh jhagda nahi ho raha hai, toh fir toh aap dono ek dusre ko bilkul nahi samajh paa rahe hain. Kyonki children ki responsibility Husband or Wife dono ki hoi hai. Aap iske liye ek dusre ko responsible nahi bana sakte hain.

Isliye bachhe ki jo bhi responsibility hai woh aapas me baat lijiye fir aapko iske liye jhagda nahi karna padhega.

Married life me relationship banaye rakhna bahut muskhil hota jaa raha hai kyonki aajkal dono working partner hote hain jisse woh ghar ki zimmedari ek dusre par daal dete hain. 



I hope ki is post me relationship tips In hindi me padhne ke baad aapke beech rishta jarur mazboot hoga or aap dono ek dusre ki pehle se zyada care karenge.

No comments