HEALTH, TRAVEL, LIFESTYLE, TRENDS SAB HINDI ME

Breaking

Wednesday, 24 April 2019

Face Pack Kaise Banaye Ghar Par

Gharelu Face Pack Kaise Banaye


Ghar par facial karne ke liye Face Pack sabse jaruri cheez hoti hai iske bina ham apne chehre par facial nahi kar sakte hain. Isliye aaj ham padhenge ki ghar par face pack kaise banate or use karte hain.

Hamare paas ghar par bahut si cheez hoti hain jinse ham ghar baithe face pack bana sakte hain. Jaise Egg, Besan, Oatmeal, Honey, Cucumber, Banana ko use karke ham apne chehre par parlour jaisa glow laa sakte hain. Also Read  Ghar Par Facial Kaise Kare - Facial Steps In Hindi


Ghar par face pack

Face Pack For Glowing Skin In Summer


1. Lemon Face Pack

Lemon bahut achha Bleaching agent hai iska use karne se skin tight bhi hoti hai or chehre par whiteness bhi aa jaati hai.

Lemon face pack banane ke liye ham nimbu ke saath oatmeal use karke face pack bana sakte hain. Isko face par lagakar dry hone dey iske baad paani se dhokar chehre ko saaf kare, aapko instant result milega.

Lemon ko Tomato ke saath milakar bhi aap face pack bana sakti hain. Iske liye tamatar ko acchi tarha crush kare or or uski skin ko hata dey, fir isme nimbu ka ras milakar face par apply kare. Ye pack bhi aapko instant result deta hai. Also Read Wrinkles Free Skin Ke Liye Top Secret Tips


2. Papaya Pack

Papaya use karke bhi ham face ke liye pack bana sakte hain. Isko curd (dahi) ke saath milagar chehre par lagaye. Ye dono ingredients aapki skin ko bahut jaldi glowing banate hain.

Three spoon papaya paste or 1 spoon chandan powder mix karke paste banaye or neck or face par apply kare 20 minute ke baad cold water se saaf kare. Aapka chehra glow karne lagega.

Honey, milk or papaya use karke bhi ham pack bana sakte hain. Iske liye 1/2 spoon papaya paste, 1 spoon honey or 1 spoon milk ko mix karke apply kare or 20 minute ke baad wash kare. Also Read Chehre Par Chamak Laane Ke Liye Homemade Tips


3. Besan Pack

Sabse aasan facepack ka use karna ho toh ham besan use kar sakte hain. Ye hamare ghar me mil hi jaata hai.

Besan se glowing skin paane ke liye besan me Gulab jal milakar chehre par lagaye or 30 minute ke baad paani se dhokar saaf kare.

Chehre ko moisturize karne ke liye Besan me Honey or malai milkar lagaye. Ye bahut hi achha pack hai isko aap weekly jarur use kare. Also Read Chehre Par Kasawat Laane Ke Liye Kya Kare

4. Egg Pack

Ek or item egg jo hame aasani se mil jaata hai, iska use karke bhi ham bahut achha facepack ghar par bana sakte hain.

Ande se gharelu pack banane ke liye hame ande me 1 spoon honey or 2 spoon Gulab jal milakar lagaye or 20 minute ke baad paani se dho ley. Is pack se aapki skin soft ho jayegi.

Ande me Dahi or 1 chammach honey milkar lagaye or sukhne ke baad warm water se wash kare. Ye skin ko chamakdaar banata hai.




Ummid hai aapko ye gharelu face pack tips jarur pasand ayegi. Apne vichar or experience jarur share kare.

No comments:

Post a Comment