HEALTH, TRAVEL, LIFESTYLE, TRENDS SAB HINDI ME

Breaking

Saturday, 7 January 2017

Best Winter Vacation Spot India Me Ghumne Ke Liye

Summer season ki tarha winter me bhi ghumne jaane ka man karta hai.
Lekin India me best winter vacation spot konse hain sawal ye hota hai.
Lekin ab aapko jyaada sochne ki jarurat nahi hai kyonki aaj is post me
main apko best winter vacation spot ke baare me bata raha hun.

Winter season me aap har jagah ghumne nahi jaa sakte hain kyonki agar
tourist spot par jyaada thand padh gayi toh ghumne ka maja kirkira ho
jayega. Isliye winter vacation spot ka selection soch samajh kar karna
chahiye.


Best Winter

Vacation Spot

In India


#1 Kashmir

Sabse pehle me apne favourite or sabse khubsurat winter vacation spot
ke baare me batana chahta hun. Kashmir ka naam sunte hai thand ka
ehsaas hone lagta hai. Lekin winter vacation spot me ye meri pehli
pasand hai kyonki jab kashmir me barf girti hai toh woh nazara jannat
se kam nahi hota hai.

Isliye toh kashmir ko dharti ka swarg kaha jaata hai. Yahan par aap jo
barf par masti karenge woh apko hamesha yaad rahegi. Iske alawa aap
winter vacation spot ke liye Pahalgam, Shrinagar, Gulmarg ka bhi rukh
kar sakte hain.

#2. Kedarkantha

Shayad aapne ye naam na suna ho lekin agar aap Kedarkantha ka chayan
winter vacation spot ke liye karenge toh fir kabhi yahan ke dilkash
najare bhul nahi payenge.

Uttrakhand ka ye tourist spot apni khubsurti ke saath saath tracking
ke liye bhi bahut famous hai. Agar aap bhi tracking ka shouk rakhte
hain toh ready ho jaye Himalay ki wadiya apko bula rahi hain.

#3. Shimla

Agar aap Kashmir nahi jaa rahe hain toh fir Shimla apke liye best
winter vacation spot rahega kyonki yahan ki jami hui barf par skiing
ka maza hi alag hai.

Iske saath aap yahan par fishing or traking adventure ka maza bhi utha
sakte hain. India me honeymoon spot ke liye bhi Shimla top par hai.
Iski wajah yahan ke romantic or khubsurat najare hain. Or winter
season me ye khubsurti dugni ho jaati hai.

#4. Manali

Aapne suna ya dekha bhi hoga ki Kullu ka dusshera kitna famous hai
utna hi famous manali ka winter season hai. Agar aap abhi tak nahi
gaye hain toh is winter me manali ko apna winter vacation spots banaye
such me bahut maza ayega.

Yahan ki barf se dhaki hui jameen har family ko apni or attract karti
hai. Uske baad yahan par dekhne wali scenery aapko baar baar yahan
aane par majbur kar degi.

#5. Auli

Uttrakhand ke Gadhwal area me bahut hi khubsurat winter vacation spot
hai Auli. Jitna chhota iska naam hai utna hi chhota area hai Auli ka,
lekin yahan skiing area dekhkar aap hairan reh jayenge. Ye bhi bahut
hi khubsurat winter vactation spots hai.

I hope ki apko ye information pasand ayegi. Aap bhi mujhe bataye ki
apka favourite winter vacation spot konsa hai.

No comments:

Post a Comment