HEALTH, TRAVEL, LIFESTYLE, TRENDS SAB HINDI ME

LightBlog

Breaking

Saturday, 26 November 2016

Sardi Jukam (Cold) Me Aaram Ke Liye Ye Tips Follow Kare


Sardiyon ke mousam me sardi jukam hona aam baat hai. Cold yani sardi
jukam hone se hamari naak bhi band ho jaati hai jisse hame saans lene
me pareshani aati hai. Na toh ham thik se so paate hain or na hi kaam
kar paate hain.

sardi jukam




Hame Sardi Jukam Kyon Hota Hai


Sardi jukam puri duniya ki sabse common bimari hai. Jukam hone par
hamara saans lene ka system yani ki respiratory system affected hota
hai jiski main wajah rhinoviruses naam ka virus hota hai. Jo affected
cold person se dusre person tak pahunchta hai. Yani ki sardi jukam
contagious disease hai jo ek person se dusre person me failti hai.

Sardi Jukam Ki Roktham Kaise Kare


Jukam se bachne ka sabse achha tarika ye hai ki jab bhi ghar me kisi
ko jukam ho jaaye tab affected person ke use kiye kapde jaise Towel,
Hanky dusre member use na kare jisse ghar me jukam ko failne se rok
sake.

Sardi Jukam Ka Gharelu Ilaj Kaise Kare


1. Agar apko sirf jukam hua hai fever nahi hai tab aapko garam paani
se nahane se aaram milega.
Garam paani apke sinus yani ki naak ki nali ka temperature badha dega
jisse apko jukam me bahut aaram milega. Lekin ye tips aap tab follow
kare jab apko fever nahi ho kyonki bukhar me temperature already badh
jaata hai.

2. Jis tarha garam paani se nahane se aapki naak ki nali yani Sinus me
aaram pahunchta hai us tarha se agar aap garam paani se garare karenge
toh apke galey me aaram milega. Iske liye garam paani me namak daalkar
1 din me 3-4 baar garare kare.

3. Agar aapko jukam ki wajah se raat ko neend nahi aa rahi hai ya fir
baar baar neend khul rahi hai tab aap apne sir ke neeche ek se jyaada
takiye ka istemaal kare iska fayda ye hoga ki naak me mojud paani ki
wajah se saans lene me pareshani hoti hai jyaada takiye ke istemaal se
naak ka pani saans nali me nahi jaata jisse hame neend bhi aa jaati
hai or ghutan bhi mehsus nahi hoti hai.

4. Agar band naak me aaram nahi mil raha hai toh naak ke aas pass
garam sek kare jisse Sinus khul jayenge or apko aaram milega.

5. Agar aap chai peene ke shoukin hain toh garam chai bhi sardi jukam
me bahut faydemand hain. Chai peene se body ko cold or flu ke against
ladne me help milti hai or sardi ka infection jaldi door ho jaata hai.
Chai me pudina or adrak daalkar bhi use kiya jaa sakta hai.

6. Non veg khaane walo ke liye chicken soup bahut badhiya remedy hai.
Kyonki garam soup peene se galey or band naak me aaram milta hai.
Sardi or jukam me sabse jyaada effect naak or galey par hi padhta hai.
Isliye garam soup ka sewan jarur kare.

Ye vishesh baat dhyaan rakhe ki bachho par sardi jukam ke ye tips naa aajmaye.

Apko ye post kaisi lagi mujhe comment karke jarur bataye

No comments:

Post a Comment